Iz opusa “Priče s autobusnog kolodvora Čakovec” autorice Blaženke Križan 4

Priča s autobusnog kolodvora Čakovec; Petak

Sklisko i hladno zimsko jutro, …šofer – 9, 05; očete ka pemo ili nemo nikam?!

Pa neje tak zima kak se kaže. Je, meni pak je je je, zebe me za prste na nogaj, nesam si bujke omotala. Nejte mi reči. Mamica, ve bum ja se zakuril ka vam bu dobro. O, i učiteljica su z nami i to samo v jutro. Moramo biti dobri i točni! Posel je posel.

Čuje se, jezoš, opal mi je hrnodlin. Japek s šrljakom se oglasil; kaj pak si ga pehala, što bu ga ve našel. Dajte, nejte nas plašti mamica. Jega hrnodlini. Je, te veni mi je od Joške, moža pokojnoga. O, pak on je mrtev, njemu so hrnodlini ne već važni. Kaj se sekerate. Gori nate nucali hrnodline! Šalim se.

Nejte se zdigavati,znam da ste si trudni, ja bum došel do vas po karte i bom vam hrnodlina poiskal. Ljudi, kaj velite, bote ili nate bora kinčili. Slama je pripravljena ?

Šofer zbori; nekši ste pospani, a učiteljica se malo smejejo…kaj ve to znači?

Šofer; Učiteljica, de bute skočili doli?

U Pribislavcu, odgovaram.

Zgledi, da rajši imate Prslavčane?! Je, ve bu nova škola, lepo vam bo! Da, da, …potvrdno klimam.

Šofer; Rekleca ste našli, japek, vi v tretjemu redu?

Jesam i mel sam ga već šogoru na sprevod. Ne bi si mogel drugoga prevoščiti. Nega penez.

Jezuš i Marija, kaj ste si tak povehjeni, kaj nega ničega veseloga i novoga v seli? A izbori?

Nejte o izborima, našega je japeka strefilo, on je negda bike prodaval, pošten čovek bil, fejst trgovec, reda se držal i pravice, ali te svinjarije so ga dotokle.

Kaj gut da rečem, ništ se na premenilo. Bez zobi sam, betežen, deca su dišla saki na svoju stranu, retko dojdejo, ne dospejo, vnuki sam nekaj tipkajo, vuha si zateknejo i nečejo nikaj čuti, – kak je to negda bilo.-

Franca nakuha, napeče, zlodrice meso poskube vun ali oni bi samo nekše hamburgere jeli. Z vrta čistam se poberejo, rede zagazijo, ništ ne pazijo, cvetje s korjem spučejo i s palnice i drvarnice, se poberejo kaj trebajo. Ni jena vrata za sobom ne zapiraju. Dok odideju, grunt je kak da ga je tajfun preštihal. A onda Franci samo soze tečejo i mom si legne, srce ji to nebre zdržati. Te den ja pospravljam jer Franca nebre k sebi dojti. Se jim damo, z nas conjki vesijo, za njih šparamo, a zahvale ga ne. Drugački so, naši so ali v gradu je se drugač.

Momica me lovi dok dohajajo ali rada jih imam. Sin nam je još kak sin, malo se je je spremenil, ali žena,… v čudnim, razvlečenim i kak strganim haljama maše po gruntu, našminkana, natapirana v štiklama, kak sraka gazi i se z visoka gledi. Mi zgledimo kak puži, pomalem lazimo, već nebremo tak hodati. Hodim z botom,… ali ona ne bu tejere pobrala i v kuhju dnesla. Noga prek noge, mobitel i špigel je navek pre roki, prsteki slabi, nalakirani, zlatom okinčeni, sam papere prenašaju i gladiju. Nigdar so ne nekaj krednoga delali. Oči pofarbane, velike, kak sova nas gledi. No, dobra je, ne moč reči, ali drugačka je.

Mož mi veli da smo bedaki i da več namo tak šparali. Obečal mi je klobase na sejmu jesti i z pivom si jih zaljati. Kupil bo mi fertofa i sebi robačo. Ve se samo tomu veselim.

A naš sin, nek’ ju sam gladi i farba, dojde ploha pak ju opere.

A kaj ž nje ostane, bu videl; – je je to ona ili je ne…???

Ve da gut z lodrice meso skubemo vun i jemo, nečemo se žalostiti.

Silazim zamišljena s jednom novom istinom, među generacijski sindrom.

 

Tvoj share je nekome vrijedna informacija!
O autoru
Blaženka Križan

Vezane vijesti

Komentiraj

*