Iz opusa “Priče s autobusnog kolodvora Čakovec” autorice Blaženke Križan 5

Ponedjeljak – Autobusni kolodvor Čakovec/čekaona;

Zvordano zašuljana…

se dotepla v čekaonu, hračnula je i v red stala za kartu. Nekaj je mrgotala; čulo se samo – nemaju pljuvačnicu, gombala je i v rukav se brisala. Nešči šapče; toga ga več zdavnja ne, pa de ona živi.

Čuje se; Cilika kak Cilika, pustite jo na miru; bila je čelarno začesana, čakala je v redo za kartu, ali vrag ji mira ne dal pak je Trezo šturkala i šturkala ka se fletno skupa ž njom porine napre.

Kam se ji žuri, ne znati.

Razglas se oglasil; “Autobus za Pribislavec, Belicu, Domašinec, Podturen…, dolazi na sedmi peron. Mole se putnici da kupe karte“.

De ve moram karto kupti, vuni v autobusu ili tu nutri? Prej so rekli vuni si kupite karte, ve pak nutri. Zlodno bilo. Ne znati kam iti. Valjda je ve to nutri, če ve tu čakamo v redu. Ki vera je to za posel?!

Negda smo v autobusu kupuvali karte, furt nekšega vraga mejajo. Laufamo sim pak tam kak stekli pesi.

O, i Rokec su došli. Riva se z botom prek reda ali ga nišči na pušča, a komaj hoda. Kakša nesramna, mladež. Čreva bi ti vun zboksali, tak se rivaju. Cilika mom na Rokeca s pitanjem; kaj je to bilo z meroscom?

Čovek slabo čuje i nekaj mrmra, o meroscu niš ne govori. Deset vrsti prahi je nabrojil koje pije. Am naj reči, tuljko toga nucaš, javlja se Cilika. Dreta ji z šosa vesi, falde su rasporene, fleki v dile potaracani ali nikaj zato. I ljukju ima na jakni, par pot zakrpanu, tak bar zgledi.

Nešče od zada se oglasil; Je, ja pak pijem išče več toga,… Jezoš ste čuli da so Štefu zoba na živo spuknuli, tulil je kak stekli, dogi koren je bil, a Jali pak so pre negda zdavnja pri zobaru jezika zahačili z bušilicom. Krv je tekla kak nora. Moš ji je ne pravi, nesromnjak jeden, rekel je, da so ji ga treli podrezati jer furt laje. Se je to za ljude a i zobari i doktori su ljudi, grešijo i oni. Samo jivi grehi nas života koštaju. Sibomo v črni grabi skončali.

Autobus kreće i uz glazbu s radio aparata čuju se i dalje, ali neuhvatljivi i raznoliki dijelovi priča. Uživam u bogatstvu jezika.

Mejo so prekrojili…krivo inekcijo so ji dali…, već su hižu gore zdigli,…par meseci ima,… po vodi šlafuri,…celi den špricere žleple,…špeha je kak nori,…brcnula ga krava,…nek se drndaju če,…sejala sam da su došli dimo,…šalaporke su prefarbane,…hmira i samo žofko slino pogata,…ranjkali smo ali so nam ne otprli,…imaju decu ali su vuni,…ne bi znala reči štera je,…špajsna je,…ron tak,…naše povrtelje…zbili so se,…z grljankom od potrte flaše ga je klal…se za peneze,…grunt…herbijo,…se je na se del,…v zdenec je pala,…sfondala ga,…dišla je z drugim,…pun je mozoli,…

Čekam da siđem u Pribislavcu. Torba, likovna mapa, šal, kapa, rukavice, kišobran, jedva sam sve to na kup stisnula i sišla. Nedorečene priče su sa mnom, htjela ja to ili ne. Bogatstvo jezika me zadivljuje i kompletno zaokuplja, žalim što sam već morala sići.

Tvoj share je nekome vrijedna informacija!
O autoru
Međimurje Press – specijalizirani vremenski zapisnik koji donosi najnovije i pouzdane vijesti iz Međimurja.

Komentiraj

*