Iz opusa “Priče s autobusnog kolodvora Čakovec” autorice Blaženke Križan

UTORAK U AUTOBUSU

Šofer: „9,05; smo si nutri?“

Dobroćudan i uvijek nasmijan javlja se šofer; Žene, dajte nejte, hote kaj krenemo, si imamo posla, snehe, de ste, „svekrive“, o… i vi učiteljice, kak bi mi bez vas dišli, nikak. Deca bi se plakala. F torbi sigurno i jedinice nesete?

Veseli šofer s uvijek neobičnim i prigodnim komentarima kreće.

Fčara so na radiju govorili kaj i kak jesti, kuljko žvakati, kuljko vode piti, meso i maščo zbegavati, talenu mošćo ve pak smeti jesti, več voća jesti, svoje saditi i otrove zbegavati. Jeee, sikak bomo hmrli, javlja se jedna ženica. Bomo, ali tre malo i paziti.

Šofer:“Joj žene, nejte o hrani, več mi skumine tečejo. Zutra bomo klali, čurke nadevali, klobase priprajli, perzvuršta složili, a čurke budu i bele i črne. Žena gušta bele, a ja črne. Se bo masno i krvavo, ali to je takši posel. Zima bo doga, deci bomo podelili i bomo jeli, a kaj bi drugo delali, pomalem kurili i žvakali. Nega krize dok imamo kaj jesti.

Javlja se netko od ostraga; naši pak več ne kolejo, niti pak mladinu imaju. Nišči ne bi f kotec išel, a niti pak mladinu klal. Jedu nekaj z papera, nekaj z Čakovca zamotano donesejo v srebrnim, mefkim posodama i zato ništ ne kuhajo. Vidim da cele dneve delajo i što bi opće kuhal?! Lina je već tak slaba kak drošec, mortik je betežna, ne znam, ali jako hudo zgledi. Moš ji se po krčmama navlači, plaču zapije i pijani okoli bnorevle. Ne ji je lefko. Pijanec, kak pijanec.

Ste čuli ka je Đura napravil? Pak, poveč. Srdito je muhu po betonu copil, pak mu je prst počil. Fčara mu je bilo zlo, tlak mu je skočil i sam je zbelna gledal. Prvo je bil ves žereči, črleni a onda pak kak mrtvac, moker i beli, belcati… Rekli so nam, da hitna za hurmastoče ne dohaja. Žena ga pitala, če hmira nek pove, kaj se prepravi, trajno dene, goske zapre i našopa, hižu posnaži i se v red dene. Tre je decu pozvati, v Švedski so. Tre se pripraviti i za najhujše. De bu šuhe kupila, ne zna. Mort joj Fika nekše posodi.

A njivoj sosedi Fiki so pred par dni nogo cicnuli, te zlodni cukor je vraga naprail. Čuje se, nooo, ve lefko šuhe od sosede dobi, če nema nogu. Šteru nema?! Je, ve točno ne znam. Pak je to ve ne važno. Jeje?! Čkomite malo, same strahote posljušamo, javil se Domašenski Pišta.

Žene, štera pe doli, čuda vas ga, dosta teh strahot, rečite,… a vi učiteljica, Prslavec ili Podturen?!

Vas deca bar posluhnejo?

Podturen, hvala. Djeca kak’ djeca, ima svakakvih dana.

Učiteljica so nam nekak prebledeli od teh strahot. Dosti za denes.

Idemo dale, pot je ne raven, sam pomali, zavoji so, pazite kak gazite k vratima.

Nam vas dale tpelal, nejte se bojati. Vi „svekrive“ pazite kak se ponašate. Nejte decu srditi i rastiravati. Dajte se od sebe, pa kak bo, bo.

(BLAŽENKA KRIŽAN)

Tvoj share je nekome vrijedna informacija!
O autoru
Međimurje Press – specijalizirani vremenski zapisnik koji donosi najnovije i pouzdane vijesti iz Međimurja.

Komentiraj

*