Ženske su torbe furt premale!

Piše: VESNA JANKOVIĆ

Ima stvori bez kojih niti jena žena misli da nebre nikam iti. To so jako bitne stvori, bez kojih se praf zapraf nikak ne bre biti. Npr. šminka, ak si nedaj bože z vusnice jo zbriše, unda parfem, vuzput kaj se namiriše.

Če joj noket pukne obavezno mora meti set za manikuru. Češelj, kaj si popravi frizuru. Nužno so potrebni maskara i zrcalo, če si joči zamusika kaj si trepavice namaže išče malo. Za mobitel nit ne treba trošiti preveč reči, bez njega se denes nebre ziti vun. Tu je i kabelar;  sliki dece,moža, familije, računof i kartici dupkon pun. Najdu se gde-gde i igla i konec, za saki slučaj, ak si treba kaj zašiti.

Rezervne hula hopke, če se očica de zadene pak ih treba premeniti. Obavezna je i putujuća ljekara : tablete razne fele, plove, rozne, hrđave i bele. Frbanti, flasteri, papernati ili vlažni robčeki, ak zatreba kaj se zbriše, notez i penkale, važno kaj se mam zapiše.

I na kraju , ak vlezneju vu tu celu gužvu, dioptrijske i sunčane očale. Velim vam lepo, ženske so torbice furt premale. Muški je svet za takše stvori čistam fleksi. Bole slep. Se kaj njima treba stane vu jen, jedini žep.

 

 

 

 

Tvoj share je nekome vrijedna informacija!
O autoru
Vesna Janković

Vezane vijesti

Komentiraj

*